තත්ත්ව ආරක්ෂණ අංශය

අනිවාර්ය ආනයන පරීක්ෂණ යෝජනා ක්‍රමයේ (CIIS) පරමාර්ථය වන්නේ ආනයනික නිෂ්පාදන, අදාළ රෙගුලාසි වල නම් කර ඇති ශ්‍රී ලංකා ප්‍රමිති පිරිවිතරයනට (SLS) අනුකූලතාව සමීපව අධීක්ෂණය කර තක්සේරු කර සහතික කිරීම සහ තොග නිදහස් කිරීම සම්බන්ධයෙන් ශ්‍රී ලංකා රේගු දෙපාර්තමේන්තුවට නිර්දේශ කිරීමයි. 1969 අංක 1 දරන ආනයන හා අපනයන පාලන පනත යටතේ 2024 මැයි 17 අංක 2384/35 දරන ගැසට් නිවේදනය පදනම් කරගෙන මෙම යෝජනා ක්‍රමය ක්‍රියාත්මක වේ.

ආනයනය/හෝ ගැසට් පත්‍රය සඳහා නම් කරන ලද භාණ්ඩ තොගවල අනුකූලතාව පහත සඳහන් නිර්ණායක මත පදනම්ව තක්සේරු කළ යුතුය.

  1. ප්‍රතීතනය කළ රසායනාගාරයක් විසින් නිකුත් කරන ලද අනුකූලතා සහතිකය සහිත තොග.
  2. අපනයනය කරන රටේ ජාතික ප්‍රමිති ආයතනයෙන් නිකුත් කරන ලද අනුකූලතා සහතික (COC) සහිත තොග.
  3. ශ්‍රී ලංකා ප්‍රමිති ආයතනය හි ලියාපදිංචි නිෂ්පාදන ආයතනයකින් ආනයනය කරන ලද තොග.
  4. අපනයනය කරන රටෙහි ජාතික ප්‍රමිති ආයතනය මගින් නිකුත් කරන ලද භාණ්ඩ සහතික කිරීමේ ලකුණු සහිත නිෂ්පාදන තොග. එහිදී, භාවිතා කරන ලද ප්‍රමිතිය ශ්‍රී ලංකා ප්‍රමිතිය සමග අනුරූප වන බව දන්වා ඇති භාණ්ඩ තොග.
  5. නිෂ්පාදන අනුකූලතාව සම්බන්ධයෙන් භාණ්ඩ නිෂ්පාදකයාගේ අතීත කාර්ය සාධනය පිළිබඳ විශ්වසනීයත්වය සහ අත්දැකීම්.

අපි පිරිනමන දේ

ශ්‍රී ලංකා ප්‍රමිති ආයතනයේ තත්ත්ව සහතික අංශය මඟින් සපයනු ලබන සේවාවන් පහත පරිදි වේ,

  1. අනිවාර්ය ආනයන පරීක්ෂණ යෝජනා ක්‍රමය යටතේ නම් කරන ලද භාණ්ඩවල අනුකූලතා තක්සේරුව සිදු කිරීම

    2. අනිවාර්ය ආනයන පරීක්ෂණ යෝජනා ක්‍රමය යටතේ නම් කරන ලද භාණ්ඩවල අනුකූලතාව තක්සේරු කිරීමේ ප්‍රධාන අරමුණු වන්නේ

    1. හඳුනාගත් සියලුම නිෂ්පාදන අදාළ ශ්‍රී ලංකා ප්‍රමිතීන්ට අනුකූලව නිෂ්පාදනය කර ඇතිබව තහවුරු කර ගැනීමට
    2. භාවිතය සහ මිනිස් පරිභෝජනය සඳහා සුදුසු බව සහතික කිරීම සඳහා (ආහාර ද්‍රව්‍ය)
    3. පාරිභෝගිකයින්ගේ සෞඛ්‍යය සහ ආරක්ෂාව සහතික කිරීම සඳහා
    4. වෙනත් රටවල නිෂ්පාදනය කරන ප්‍රමිතියෙන් තොර භාණ්ඩ බැහැර කරන ස්ථානයක් බවට ශ්‍රී ලංකාව පත්වීම වැළැක්වීම සහ එමඟින් පරිසරය ආරක්ෂා කිරීම.
  2. කුරුඳු/තේ කොළ සඳහා පූර්ව අපනයන සහතිකය
    1. අපනයනය කරන ලද කුරුඳුවල ගුණාත්මකභාවය ශ්‍රී ලංකා ප්‍රමිතියට හෝ ගැනුම්කරුවන්ගේ පිරිවිතරයන්ට අනුකූල බව සහතික කිරීම.
    2. ශ්‍රී ලංකාවෙන් උසස් තත්ත්වයේ කුරුඳු නිෂ්පාදන බලාපොරොත්තු වන, භාවිතයට නොගත් විදේශ වෙළෙඳපොළ වෙත තෙවන පාර්ශවීය සහතිකයක් සමඟ ප්‍රවේශ වීමට අපනයනකරුවන්ට පහසුකම් සැලසීමට.
  3. ආනයනකරුවන්ට උපදෙස්
    1. ප්‍රමිතියට අනුකූලතාව තොගයෙන් තොගයට වෙනස් වන බැවින් SLSI තොග පදනම මත තීරණ ගනී.
    2. රෙගුලාසියේ සඳහන් නියාමන අවශ්‍යතා සහ අදාළ ප්‍රමිතීන් හඳුනා ගැනීම ආනයනකරුවන්ගේ වගකීම වේ.
    3. රෙගුලාසියෙහි, අදාළ වසර නොමැතිව ශ්‍රී ලංකා ප්‍රමිති පිරිවිතර සඳහන් කර ඇත්නම්, ප්‍රමිති පිරිවිතරෙහි නවතම අනුවාදයට අනුකූල විය යුතුය.
    4. ප්‍රමිතියට කෙරෙන යම් සංශෝධන හෝ පරිශෝධන පිළිබඳව ආනයනකරු විසින් SLSI වෙබ් අඩවිය පරිශීලනය කිරීමෙන් හෝ හෝ SLSI පුස්තකාලයෙන් විමසීමෙන් දැනුවත් විය යුතුය. තත්ත්ව සහතික අංශය කිසිදු සංශෝධනයක් හෝ පරිශෝධනයක් හෝ ප්‍රමිති වෙනස් කිරීමක් සන්නිවේදනය නොකරයි.
    5. ඉදිරිපත් කරන ලද ලේඛන සහ සාම්පල මත පදනම්ව තීරණ ගනු ලැබේ. නියැදීම හෝ ගනු ලබන තීරණ සම්බන්ධයෙන් ලිඛිතව හෝ වාචිකව ඉල්ලා සිටින සහන ලබා නොදෙනු ඇත.
    6. ඉල්ලුම්පත්‍රය ඉක්මනින් පරීක්ෂා කිරීමට සහ ප්‍රමාදයන් වළක්වා ගැනීමට තත්ත්ව ආරක්ෂණ අංශයෙන් බලාපොරොත්තු වන දත්ත සඳහා නොමඳව ප්‍රතිචාර දක්වන ලෙස ආනයනකරුවන්ගෙන් ඉල්ලා සිටී.
    7. කිසියම් ප්‍රමාදයක් ඇත්නම්, තවදුරටත් ප්‍රමාදයන් වළක්වා ගැනීම සඳහා තත්ත්ව ආරක්ෂණ අංශයේ අදාළ ඒකකය සම්බන්ධ කර ගත යුතුය.
    8. ආනයනකරුවන්ගේ සන්නිවේදනය පහසු කිරීම සඳහා තත්ත්ව ආරක්ෂණ අංශයේ ඒකකවල සම්බන්ධතා තොරතුරු SLSI වෙබ් අඩවියේ ඇත.
  4. Details of amendments made the Standards
Go Back