ශ්‍රී ලංකා ප්‍රමිති ආයතනයට SLS ලාංඡන භාණ්ඩ සහතික කිරීමේ යෝජනා ක්‍රමය ක්‍රියාත්මක කිරීමට, 1984 අංක 6 දරන ශ්‍රී ලංකා ප්‍රමිති පනත යටතේ බලය ඇත. භාණ්ඩ 46ක් සඳහා පාරිභෝගික කටයුතු අධිකාරිය විසින් 1979 අංක 01 දරන පාරිභෝගික ආරක්ෂණ පනත යටතේ SLS ලකුණ අනිවාර්ය කර ඇත.

කාබනික භාණ්ඩ සහතික කිරීමේ යෝජනා ක්‍රමය "SLS 1324 - කාබනික කෘෂිකාර්මික නිෂ්පාදන සහ සැකසුම් සඳහා අවශ්‍යතා පිළිබද ප්‍රමිතිය මත පදනම්ව ක්‍රියාත්මක වන්නේය. මෙම සහතික කිරීමේ ක්‍රමය ISO/IEC 17065 ට අනුකූලව ශ්‍රී ලංකා ප්‍රතීතන මණ්ඩලය (SLAB) විසින් ප්‍රතීතනය කර ඇත.

ශ්‍රී ලංකා ප්‍රමිති මත පදනම්ව, නිෂ්පාදකයන් ලියාපදිංචි කිරීම සඳහා අදාළ බලධාරීන්ට තාක්ෂණික නිර්දේශ සපයනු ලැබේ.